18-апрель Эстеликтердин жана тарыхый жайлардын эл аралык күнүнө карата 7- апрелде каза болгон баатырларыбызды эскерүү максатында «Ата-Бейит» улуттук тарыхый -мемориалдык комплексине Б.М.Юнусалиев атындагы Кичи-Кемин жалпы билим берүү орто мектебинин 8- классынын окуучуларын экскурсияга алып барып, тарыхый жер менен тааныштырып жана тарых музейине экскурсия кылып келишти. Ата-Бейит -саясий репрессиянын курмандыгы болгон адамдардын жана улуу жазуучу Чыңгыз Айтматовдун сөөгү коюлган жер.
Бишкек шаарынан 30 км түштүк тарапта, Чоң-Таш айылынын жанында орун алган.
Жарым кылымга жакын туугандары, балдары дайын-дарегин, кайсы жерге көмүлгөнүн билбей келген 137 кишинин аты дайын болуп, 1991-жылы август айында элдин катышуусу менен жерге берилген. Алардын ичинде атасынын кайда катылганын билбей калганын айтып армандаган Чыңгыз Айтматовдун атасы Төрөкул Айтматовдун сөөгү да табылган.
Ал жер үлкөн жазуучунун сунушу менен «Ата-Бейит» деп аталган. Кийин Чыңгыз Айтматов каза болгондон кийин сөөгү атасынын жанына, «Ата-Бейитке» коюлду.
1916-жылдагы Үркүн трагедиясынын 100 жылдыгына арналып, алардын урматына атайын мемориалдык комплекс ачылган.
Окуучулар үчүн бул тарыхый жерди көрүү абдан кызыктуу жана эсте калаарлык күн болду.
Комментарии