Эне сүтүн актаган, анын кадырына жеткен, аялзатыда урмат-сыйга бөлөнгөн коом гана өсүп-өнөт.
“Эне сүтүн актаган, анын кадырына жеткен, аялзатыда урмат-сыйга бөлөнгөн коом гана өсүп-өнөт” демекчи, Б.М.Юнусалиев атындагы Кичи-Кемин жалпы билим беруу орто мектебинде, 2-б жана 6-б класстары менен, класс жетекчилери Карыбекова Нурзат жана Исакова Назира уюштурган, “Энелер мектеби” жана 8-март майрамына арналган “Аялзат – аалам ажары!” аттуу майрамдык кечеси болуп өттү. Кеченин максаты: 1. Энелерге, айрыкча жаш энелерге, балдарды тарбиялап өстүрүүгө кызыгууну, жоопкерчиликти ойготуу; 2. 8-март майрамынын жаралуу тарыхын окуучуларга маалымдоо; 3. Аял затын сыйлоого, асыроого тарбиялоо. Балдардагы бардык жакшы сапаттардын көпчүлүгү энелерден өтөөрү , айыл жериндеги энелер үй – бүлөдө балдарды мектепке даярдоосу, акыл – эс, адеп – ахлактык тарбиясы жөнүндө, энелерге кенен маалымат берилди. Март майрамы,-узак кыштын түнт күндөрүнөн кийин, жарк этип тийген күндөй, карды тээп чыккан гүлдөй көңүлүбүздү ачат, жашоого дем берет. Жарыкчылыкта эненикине теңдеш мээрим болбойт, жалпы аялзатын жаз менен кошо жаркырап кирип келген майрамын ,окуучулар өз таланттарын көрсөтүп куттукташты. Энелер бар үчүн биздин жашообуз жарык, көңүлүбүз ток, маанайыбыз ачык. Энелер аркылуу муундар жаңыланып, турмуш уланып, «Адамзат» өнүгүүдө. Ааламдын ажары болгон Аялзатына ,өмүрдүн ар бир күнү ийгилик алып келишин, жазда чыккан байчечекейдей сулуулукту, жадыраган жаз күнүндөй жылуулукту, Ала-Тоонун түпкүрүнөн аккан булагындай тазалыкты каалашты.
Комментарии